Ministry of Law & Justice
ಸುದ್ದಿಗಳು
ಡೆಪ್ಯುಟಿ ಸಾಲಿಸಿಟರ್ ಜನರಲ್ ಆಫ್‌ ಇಂಡಿಯಾ ಎಂದು ಬದಲಾದ ಸಹಾಯಕ ಎಸ್‌ಜಿಐ ಪದನಾಮ: ಕೇಂದ್ರದ ಅಧಿಸೂಚನೆ
ಅಸಿಸ್ಟೆಂಟ್‌ ಸಾಲಿಸಿಟರ್ ಜನರಲ್ ಆಫ್‌ ಇಂಡಿಯಾ ಹುದ್ದೆಯನ್ನು ಭಾರತದ ಡೆಪ್ಯುಟಿ ಸಾಲಿಸಿಟರ್ ಜನರಲ್ ಆಫ್‌ ಇಂಡಿಯಾ ಎಂದು ಬದಲಿಸಿ ಕೇಂದ್ರ ಸರ್ಕಾರ ಅಧಿಸೂಚನೆ ಹೊರಡಿಸಿದೆ. ಹೆಚ್ಚುವರಿ ಸಾಲಿಸಿಟರ್ ಜನರಲ್ (ಎಎಸ್‌ಜಿಐ) ಮತ್ತು ಸಹಾಯಕ ಸಾಲಿಸಿಟರ್ ಜನರಲ್ (ಎಎಸ್‌ಜಿಐ) ಹುದ್ದೆಗಳ ಹೆಸರಿನಲ್ಲಿ ಉಂಟಾಗುತ್ತಿದ್ದ ಗೊಂದಲ ತಪ್ಪಿಸುವ ನಿಟ್ಟಿನಲ್ಲಿ ಹೈಕೋರ್ಟ್‌ನಲ್ಲಿ ಕೇಂದ್ರದ ಪರ ವಾದ ಮಂಡಿಸುವ ಸ್ಥಾಯಿ ವಕೀಲರನ್ನು ಡೆಪ್ಯೂಟಿ ಸಾಲಿಸಿಟರ್ ಜನರಲ್ ಆಫ್‌ ಇಂಡಿಯಾ ಎಂಬ ಹೊಸ ಪದನಾಮದಿಂದ ಕರೆಯಲು ತಿಳಿಸಲಾಗಿದೆ.
ಕಾನೂನು ಮತ್ತು ನ್ಯಾಯ ಸಚಿವಾಲಯ ಬಿಡುಗಡೆ ಮಾಡಿದ ಅಧಿಸೂಚನೆಯಲ್ಲಿ ʼಡೆಪ್ಯೂಟಿ ಸಾಲಿಸಿಟರ್ ಜನರಲ್ ಆಫ್‌ ಇಂಡಿಯಾʼ ಎಂಬ ಹೊಸ ಪದನಾಮದ ಸಂಕ್ಷೇಪಣ ಡಿಜಿಎಸ್‌ಐ ಎಂದಾಗಿದ್ದು ಅದನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಸೂಚಿಸಲಾಗಿದೆ.