ಕಾಂಗ್ರೆಸ್ ಸಂಸದ ಇಮ್ರಾನ್ ಪ್ರತಾಪ್‌ಗಢಿ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಪ್ರಕಟಿಸಿದ್ದ ಕವಿತೆಯ ಕುರಿತು ಗುಜರಾತ್ ಪೊಲೀಸರು ದಾಖಲಿಸಿದ್ದ ಪ್ರಕರಣವನ್ನು ಶುಕ್ರವಾರ ರದ್ದುಗೊಳಿಸಿರುವ ಸುಪ್ರೀಂ ಕೋರ್ಟ್ ಭಾರತದಲ್ಲಿ ವಾಕ್ ಸ್ವಾತಂತ್ರ್ಯದ ರಕ್ಷಣೆಯ ಕುರಿತು ಮಹತ್ವದ ತೀರ್ಪು ನೀಡಿದೆ.
ಅಭಿವ್ಯಕ್ತಿ ಸ್ವಾತಂತ್ರ್ಯದ ಹಕ್ಕನ್ನು ಚಲಾಯಿಸುವುದರಿಂದ ಉಂಟಾಗುವ ಪರಿಣಾಮ ಎದುರಿಸುತ್ತಿರುವವರ ಮೂಲಭೂತ ಹಕ್ಕುಗಳ ರಕ್ಷಣೆಗೆ ನ್ಯಾಯಾಲಯಗಳು ಮುಂಚೂಣಿಯಲ್ಲಿರಬೇಕು ಎಂದು ನ್ಯಾಯಮೂರ್ತಿಗಳಾದ ಅಭಯ್ ಎಸ್ ಓಕಾ ಮತ್ತು ಉಜ್ಜಲ್ ಭುಯಾನ್ ಅವರಿದ್ದ ಪೀಠ ಹೇಳಿದೆ.
ಆಲೋಚನೆಗಳು ಮತ್ತು ದೃಷ್ಟಿಕೋನಗಳ ಅಭಿವ್ಯಕ್ತಿ ಸ್ವಾತಂತ್ರ್ಯವಿಲ್ಲದೆ, ಸಂವಿಧಾನದ 21ನೇ ವಿಧಿಯ ಅಡಿಯಲ್ಲಿ ಒದಗಿಸಲಾದ ಗೌರವಾನ್ವಿತ ಜೀವನವನ್ನು ನಡೆಸುವುದು ಅಸಾಧ್ಯ.
ಕಾವ್ಯ, ನಾಟಕಗಳು, ಚಲನಚಿತ್ರಗಳು, ವೇದಿಕೆ ಪ್ರದರ್ಶನಗಳು, ವಿಡಂಬನೆ, ಕಲೆ ಸೇರಿದಂತೆ ಸಾಹಿತ್ಯವು ಮಾನವನ ಜೀವನವನ್ನು ಹೆಚ್ಚು ಅರ್ಥಪೂರ್ಣವಾಗಿಸುತ್ತವೆ.
ಆರೋಗ್ಯಕರ ಪ್ರಜಾಪ್ರಭುತ್ವದಲ್ಲಿ, ಒಬ್ಬ ವ್ಯಕ್ತಿ ಅಥವಾ ವ್ಯಕ್ತಿಗಳ ಗುಂಪು ವ್ಯಕ್ತಪಡಿಸುವ ಅಭಿಪ್ರಾಯಗಳು, ಅಭಿಪ್ರಾಯಗಳು ಅಥವಾ ಆಲೋಚನೆಗಳನ್ನು ಮತ್ತೊಂದು ದೃಷ್ಟಿಕೋನದ ಮೂಲಕ ಎದುರಿಸಬೇಕು.
ಬಹುಸಂಖ್ಯಾತ ವ್ಯಕ್ತಿಗಳು ಇನ್ನೊಬ್ಬರು ವ್ಯಕ್ತಪಡಿಸುವ ಅಭಿಪ್ರಾಯಗಳನ್ನು ಇಷ್ಟಪಡದಿದ್ದರೂ ಸಹ, ಆ ವ್ಯಕ್ತಿ ಅಭಿಪ್ರಾಯ ವ್ಯಕ್ತಪಡಿಸುವ ಹಕ್ಕನ್ನು ಗೌರವಿಸಬೇಕು ಮತ್ತು ರಕ್ಷಿಸಬೇಕು.
ಅಸುರಕ್ಷಿತ ಭಾವನೆಯಿಂದ ಬಳಲುವ ಜನರನ್ನು ಆಧರಿಸಿ ವಾಕ್ ಸ್ವಾತಂತ್ರ್ಯದ ಮಾನದಂಡಗಳನ್ನು ನಿರ್ಣಯಿಸಬಾರದು.
ವಾಕ್ ಸ್ವಾತಂತ್ರ್ಯದ ಮೇಲೆ ವಿಧಿಸುವ ಸಮಂಜಸ ನಿರ್ಬಂಧಗಳು ಸಮಂಜಸವಾಗಿರಬೇಕು. ಅದು ಕಲ್ಪಿತ ಅಥವಾ ದಬ್ಬಾಳಿಕೆಯ ನೆಲೆಯಲ್ಲಿ ಇರಬಾರದು.
ವಾಕ್ ಸ್ವಾತಂತ್ರ್ಯವನ್ನು ರಕ್ಷಿಸಲು ನ್ಯಾಯಾಲಯಗಳು ಮುಂಚೂಣಿಯಲ್ಲಿರಬೇಕು.
ಪೊಲೀಸರು ಮತ್ತು ಕಾರ್ಯಾಂಗವು ವಾಕ್ ಸ್ವಾತಂತ್ರ್ಯವನ್ನು ಎತ್ತಿಹಿಡಿಯಲು ವಿಫಲವಾದಾಗ, ಮಧ್ಯಪ್ರವೇಶಿಸುವುದು ನ್ಯಾಯಾಲಯಗಳ ಕರ್ತವ್ಯ.
ನ್ಯಾಯಾಲಯಗಳನ್ನು ಹೊರತುಪಡಿಸಿದರೆ ಮೂಲಭೂತ ಹಕ್ಕುಗಳನ್ನು ಎತ್ತಿಹಿಡಿಯುವ ಬೇರೆ ಯಾವುದೇ ಸಂಸ್ಥೆ ಇಲ್ಲ.
ಪೊಲೀಸರು ಸಂವಿಧಾನವನ್ನು ಪಾಲಿಸಬೇಕು.