ದೇಶದಲ್ಲಿ ಸಂವಿಧಾನ ದಿನ ಆಚರಿಸುತ್ತಿರುವ ಈ ಸಂದರ್ಭದಲ್ಲಿ ಮೂಲ ಸಂವಿಧಾನದಲ್ಲಿ ಅಳವಡಿಸಿಕೊಂಡಿರುವ ಚಿತ್ರ ಸರಣಿಗಳನ್ನು ಇಲ್ಲಿ ನೀಡಲಾಗಿದೆ. ಭಾರತದ ಶ್ರೀಮಂತ ಸಾಂಸ್ಕೃತಿಕ, ಐತಿಹಾಸಿಕ ಪರಂಪರೆಯನ್ನು ಮೂಲ ಸಂವಿಧಾನದಲ್ಲಿ ಅಳವಡಿಸಲಾಗಿರುವ ಈ ಚಿತ್ರಗಳು ಬಿಂಬಿಸುತ್ತವೆ.
ಸಂವಿಧಾನ ರಚನೆಯಾಗಿ ಏಳು ದಶಕಗಳೇ ಸಂದಿದ್ದರೂ ಡಾ. ಬಿ ಆರ್‌ ಅಂಬೇಡ್ಕರ್‌ ಅವರು ಹೇಳಿರುವ ಮಾತುಗಳು ಇಂದಿಗೂ ದಿಟವಾಗಿದೆ:
ಸಾಂವಿಧಾನಿಕ ನೈತಿಕತೆಯು ಸ್ವಾಭಾವಿಕವಾದ ಭಾವನೆಯಲ್ಲ. ಅದನ್ನು ರೂಢಿಸಿಕೊಳ್ಳಬೇಕು. ನಮ್ಮ ಜನರು ಅದನ್ನು ಇನ್ನೂ ಕಲಿಯಬೇಕಿದೆ ಎಂಬುದನ್ನು ನಾವು ಅರ್ಥ ಮಾಡಿಕೊಳ್ಳಬೇಕು.
ಡಾ. ಬಿ ಆರ್‌ ಅಂಬೇಡ್ಕರ್‌ ಇಂದಿನ ವಿಭಜನಕಾರಿಯಾದ ಕಾಲಘಟ್ಟದಲ್ಲಿ ಸಂವಿಧಾನ ನಿರ್ಮಾತೃಗಳು ಹೊಂದಿದ್ದ ಭಾರತದ ಕಲ್ಪನೆಯನ್ನು ನಾವು ನೆನಪಿಸಿಕೊಳ್ಳುವುದು ಉತ್ತಮ. ಮೂಲಕೃತಿಯಲ್ಲಿರುವ ಚಿತ್ರಗಳು ಈ ಕಲ್ಪನೆಯನ್ನು ಕಟ್ಟಿಕೊಡುತ್ತವೆ.
ಭಾರತದ ಸಂಸ್ಕೃತಿ ಮತ್ತು ಇತಿಹಾಸದ ದೃಷ್ಟಾಂತಗಳನ್ನು ಈ ಚಿತ್ರಗಳು ಪರಿಚಯಿಸುತ್ತವೆ.
ಭಾಗ- I: ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು (ಮೊಹೆಂಜೊದಾರೊ ಮುದ್ರಿಕೆ).
ಭಾಗ- I I: ಪೌರತ್ವ (ಗುರುಕುಲದ ದೃಶ್ಯ)
Part IIಭಾಗ- I I I: ಮೂಲಭೂತ ಹಕ್ಕುಗಳು (ರಾಮಾಯಣದ ದೃಶ್ಯ: ಲಂಕಾ ವಿಜಯದ ನಂತರ ಸೀತೆಯೊಂದಿಗೆ ರಾಮ)
Part IIIಭಾಗ- IV: ರಾಜ್ಯ ನೀತಿಯ ನಿರ್ದೇಶಕ ತತ್ವಗಳು (ಮಹಾಭಾರತದ ದೃಶ್ಯ: ಗೀತೆಯನ್ನು ಅರ್ಜುನನಿಗೆ ಬೋಧಿಸುತ್ತಿರುವ ಕೃಷ್ಣ)
Part IVಭಾಗ- V: ಒಕ್ಕೂಟ (ಬುದ್ಧನ ಜೀವನದ ದೃಶ್ಯ)
ಸೂಚನೆ: ಮೂಲ ಸಂವಿಧಾನದ ಭಾಗಶಃ ಹೆಸರುಗಳನ್ನು ಹಲವು ವರ್ಷಗಳಿಂದ ವಿವಿಧ ತಿದ್ದುಪಡಿಗಳ ಮೂಲಕ ಮಾರ್ಪಡಿಸಲಾಗಿದೆ.
ಭಾಗ- VI: ಪ್ರಥಮ ಷೆಡ್ಯೂಲ್‌ನ ʼಎʼ ಭಾಗ: ರಾಜ್ಯಗಳು (ಮಹಾವೀರನ ಜೀವನದ ದೃಶ್ಯ)
ಭಾಗ- VII: ಪ್ರಥಮ ಷೆಡ್ಯೂಲ್‌ನ ʼಬಿʼ ಭಾಗ: ರಾಜ್ಯಗಳು (ಭಾರತ ಮತ್ತು ಹೊರ ದೇಶಗಳಲ್ಲಿ ಅಶೋಕ ಚಕ್ರವರ್ತಿ ಬೌದ್ಧ ಧರ್ಮ ಪ್ರಚಾರ ಮಾಡುತ್ತಿರುವ ದೃಶ್ಯ)
Part VIIಮೊದಲನೇ ಶೆಡ್ಯೂಲ್‌ನ ಭಾಗ ಮೂರು - ರಾಜ್ಯಗಳು (ಗುಪ್ತರ ಕಲೆಯನ್ನು ಬಿಂಬಿಸುವ ಚಿತ್ರ)
Part VIIIಭಾಗ- IX: ಪ್ರಥಮ ಷೆಡ್ಯೂಲ್‌ನ ʼಡಿʼ ಭಾಗ: ಪ್ರಾಂತ್ಯಗಳು ಮತ್ತು ಇತರೆ ಪ್ರಾಂತ್ಯಗಳು (ವಿಕ್ರಮಾದಿತ್ಯನ ಆಸ್ಥಾನದ ದೃಶ್ಯ)
ಭಾಗ- X: ಷೆಡ್ಯೂಲ್ಡ್‌ ಮತ್ತು ಬುಡಕಟ್ಟು ಪ್ರದೇಶ (ನಳಂದಾ ವಿಶ್ವವಿದ್ಯಾಲಯ ಬಿಂಬಿಸುವ ದೃಶ್ಯ)
Part Xಭಾಗ- XI: ಒಕ್ಕೂಟ ಮತ್ತು ರಾಜ್ಯಗಳ ನಡುವಿನ ಸಂಬಂಧ (ಒರಿಸ್ಸಾ ಶಿಲ್ಪಗಳ ದೃಶ್ಯ)
ಭಾಗ- XII: ಹಣಕಾಸು, ಆಸ್ತಿ, ಕರಾರುಗಳು ಮತ್ತು ದಾವೆಗಳು (ನಟರಾಜ ಮೂರ್ತಿಯ ಚಿತ್ರ)
ಭಾಗ- XIII: ವ್ಯಾಪಾರ, ವಾಣಿಜ್ಯ ಮತ್ತು ದೇಶದೊಳಗೆ ವಾಣಿಜ್ಯ ವಿನಿಮಯ (ಮಹಾಬಲಿಪುರಂ ಶಿಲ್ಪಗಳ ದೃಶ್ಯ: ಭಗೀರಥನ ತಪಸ್ಸು ಮತ್ತು ಗಂಗೆಯ ಅವರೋಹಣ)
ಭಾಗ-XIV: ಒಕ್ಕೂಟ ಮತ್ತು ರಾಜ್ಯಗಳಲ್ಲಿನ ಸೇವೆಗಳು (ಮೊಘಲ್‌ ವಾಸ್ತುಶಿಲ್ಪದಲ್ಲಿರುವ ಅಕ್ಬರ್‌ ದರ್ಬಾರಿನ ಚಿತ್ರ)
ಭಾಗ-XV: ಚುನಾವಣೆಗಳು (ಶಿವಾಜಿ ಮತ್ತು ಗುರು ಗೋವಿಂದ ಸಿಂಗ್‌ ಚಿತ್ರ)
Part XVಭಾಗ-XVI: ಕೆಲವು ವರ್ಗಗಳಿಗೆ ಸಂಬಂಧಿಸಿದ ವಿಶೇಷ ನಿಬಂಧನೆಗಳು (ಟಿಪ್ಪು ಸುಲ್ತಾನ್‌ ಮತ್ತು ಲಕ್ಷ್ಮಿ ಬಾಯಿ ಚಿತ್ರಗಳು)
ಭಾಗ-XVII: ಅಧಿಕೃತ ಭಾಷೆ (ರಾಷ್ಟ್ರಪಿತ: ಗಾಂಧೀಜಿ ಅವರು ಭಾಗವಹಿಸಿದ್ದ ದಂಡಿ ಸತ್ಯಾಗ್ರಹದ ದೃಶ್ಯ)
ಭಾಗ-XVIII: ತುರ್ತು ನಿಬಂಧನೆಗಳು (ಶಾಂತಿಧೂತ ಬಾಪೂಜಿ: ನೌಖಾಲಿಯಲ್ಲಿ ಗಲಭೆ ನಡೆದಿದ್ದ ಪ್ರದೇಶದಲ್ಲಿ ಗಾಂಧೀಜಿ ಅವರ ಪ್ರವಾಸ)
ಭಾಗ-XIX: ಹಲವು ಮಿಶ್ರ ವಿಷಯಗಳು (ಹೊರದೇಶದಿಂದ ಭಾರತವನ್ನು ಸ್ವಾತಂತ್ರ್ಯಗೊಳಿಸಲು ನೇತಾಜಿ ಸುಭಾಷ್‌ ಚಂದ್ರ ಬೋಸ್‌ ಮತ್ತಿತರ ದೇಶಪ್ರೇಮಿಗಳು ಪ್ರಯತ್ನಿಸುತ್ತಿರುವ ಚಿತ್ರ )
ಭಾಗ-XX: ಸಂವಿಧಾನದ ತಿದ್ದುಪಡಿ (ಹಿಮಾಲಯದ ದೃಶ್ಯ)
ಭಾಗ-XXI: ತಾತ್ಕಾಲಿಕ ಮತ್ತು ಬದಲಾವಣೆಯ ನಿಬಂಧನೆಗಳು (ಮರುಭೂಮಿಯ ದೃಶ್ಯ)
ಭಾಗ-XXII: ಸಂಕ್ಷಿಪ್ತ ತಲೆಬರಹ, ಆರಂಭ ಮತ್ತು ಹಿಂಪಡೆಯುವಿಕೆ (ಸಾಗರದ ದೃಶ್ಯ)