Justices KM Joseph, Ravindra Bhat and SC
ಡ್ಯಾನ್ಸ್‌ ಬಾರ್ ಪರವಾನಗಿ: ಸ್ತ್ರೀ ಪರ ಕೆಲಸದ ವಾತಾವರಣ ಸೃಷ್ಟಿಸುವುದು ಸರ್ಕಾರದ ಕರ್ತವ್ಯ ಎಂದ ಸುಪ್ರೀಂ [ಚುಟುಕು]
ಕೆಲಸದ ಸ್ಥಳದಲ್ಲಿ ಮಹಿಳೆಯರ ಸುರಕ್ಷತೆಯು ಆತಂಕಕಾರಿಯಾಗಿರುವ ಸಂದರ್ಭಗಳಲ್ಲಿ, ಅವರ ಆಯ್ಕೆಯನ್ನು ತಡೆಯುವ ಮತ್ತು ನಿಗ್ರಹಿಸುವ ಬದಲು ಅವರ ಉದ್ಯೋಗಕ್ಕೆ ಅನುಕೂಲಕರ ವಾತಾವರಣ ಸೃಷ್ಟಿಸುವುದು ಸರ್ಕಾರದ ಕರ್ತವ್ಯ ಎಂದು ಸುಪ್ರೀಂ ಕೋರ್ಟ್ ಶುಕ್ರವಾರ ತಿಳಿಸಿದೆ. ಆ ಮೂಲಕ ಆರ್ಕೆಸ್ಟ್ರಾ ಬಾರ್‌ಗಳಲ್ಲಿ (ಡ್ಯಾನ್ಸ್‌ ಬಾರ್) ಕೆಲಸ ಮಾಡುವ ಕಲಾವಿದರ ಮೇಲೆ ಮುಂಬೈ ಪೊಲೀಸ್‌ ಆಯುಕ್ತರು ವಿಧಿಸಿದ್ದ ಲಿಂಗಮಿತಿ ಷರತ್ತನ್ನು ಅದು ಅನೂರ್ಜಿತಗೊಳಿಸಿದೆ.
ಕೇವಲ ನಾಲ್ವರು ಮಹಿಳಾ ಕಲಾವಿದರು ಮತ್ತು ನಾಲ್ಕು ಪುರುಷ ಕಲಾವಿದರು (ಒಟ್ಟು 8 ಕಲಾವಿದರು) ವೇದಿಕೆಯಲ್ಲಿ ಇರಲು ಅವಕಾಶವಿದ್ದರೆ ಮಾತ್ರ ಆರ್ಕೆಸ್ಟ್ರಾ ಬಾರ್‌ಗಳಿಗೆ ಪರವಾನಗಿ ನೀಡಲಾಗುವುದು ಎಂದು ಪೊಲೀಸ್‌ ಆಯುಕ್ತರು ಈ ಹಿಂದೆ ಆದೇಶಿಸಿದ್ದರು. ಈ ಷರತ್ತನ್ನು ಬಾಂಬೆ ಹೈಕೋರ್ಟ್‌ ಎತ್ತಿಹಿಡಿದಿತ್ತು. ಹೈಕೋರ್ಟ್‌ ತೀರ್ಪನ್ನು ಪ್ರಶ್ನಿಸಿ ʼಹೋಟೆಲ್‌ ಪ್ರಿಯಾʼ ಸುಪ್ರೀಂಕೋರ್ಟ್‌ಗೆ ಮೇಲ್ಮನವಿ ಸಲ್ಲಿಸಿತ್ತು.
ಹೆಚ್ಚಿನ ಮಾಹಿತಿಗೆ ʼಬಾರ್ ಅಂಡ್‌ ಬೆಂಚ್‌ʼ ಇಂಗ್ಲಿಷ್‌ ತಾಣದ ಲಿಂಕ್‌ ಗಮನಿಸಿ.