ಅಮಿಕಸ್‌ ಕ್ಯೂರಿಯಾಗಿ ಕೆಲಸ ಮಾಡಲು ಬಯಸುವವರು ನವೆಂಬರ್‌ 14ರ ಒಳಗೆ ತಮ್ಮ ಹೆಸರನ್ನು ಪಟ್ಟಿಗೆ ಸೇರಿಸಲು (ಎಂಪ್ಯಾನಲ್‌) ದಾಖಲೆಗಳನ್ನು ಸಲ್ಲಿಸಬಹುದು ಎಂದು ಸುಪ್ರೀಂ ಕೋರ್ಟ್‌ ಪ್ರಕಟಣೆಯಲ್ಲಿ ತಿಳಿಸಿದೆ.
ಪ್ರಕಟಣೆಯ ದಿನಾಂಕಕ್ಕೆ ಅನ್ವಯವಾಗುವಂತೆ ಹತ್ತು ವರ್ಷ ಅಥವಾ ಅದಕ್ಕೂ ಹೆಚ್ಚಿನ ಕಾಲ ವಕೀಲರಾಗಿ ಕೆಲಸ ಮಾಡಿರುವ ಹಿರಿಯ ವಕೀಲರು, ಅಡ್ವೋಕೇಟ್ಸ್‌ ಆನ್‌ ರೆಕಾರ್ಡ್‌ ಮತ್ತು ಅಡ್ವೊಕೇಟ್ಸ್‌ ಆನ್‌ ರೆಕಾರ್ಡ್‌ ಅಲ್ಲದೆ ಇರುವವರು ಅಮಿಕಸ್‌ ಕ್ಯೂರಿಯಾಗ ಬಯಸಿದಲ್ಲಿ ತಮ್ಮ ಹೆಸರನ್ನು ಪರಿಗಣಿಸಲು ಅರ್ಜಿ ನಮೂನೆ ʼಎʼನಲ್ಲಿ ತಮ್ಮ ಸಮ್ಮತಿ ಸೂಚಿಸಿ ಸುಪ್ರೀಂ ಕೋರ್ಟ್‌ಗೆ ಸಲ್ಲಿಸಬೇಕು ಎಂದು ವಿವರಿಸಲಾಗಿದೆ.
2020-2022ರಲ್ಲಿ ಪಟ್ಟಿಯಲ್ಲಿ ಸೇರ್ಪಡೆಯಾಗಿರುವವರು ಹೊಸದಾಗಿ ಅರ್ಜಿ ನಮೂನೆ ʼಎʼ ನಲ್ಲಿ ಒಪ್ಪಿಗೆ ಸಲ್ಲಿಸಬೇಕು. ಅದರ ಜೊತೆಗೆ 10 ವರ್ಷ ವಕೀಲಿಕೆ ಕೆಲಸ ಮಾಡಿರುವ ದಾಖಲೆ/ಸರ್ಟಿಫಿಕೇಟ್‌ ಅನ್ನು ಸಲ್ಲಿಸಬೇಕು ಎಂದು ಹೆಚ್ಚುವರಿ ರಿಜಿಸ್ಟ್ರಾರ್‌ ಮೀನಾ ಸರಿನ್‌ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.