ಪದ್ಮ ಲಕ್ಷ್ಮಿ ಕೇರಳದ ಮೊದಲ ತೃತೀಯಲಿಂಗಿ ವಕೀಲರು

ಕೇರಳದ ತೃತೀಯಲಿಂಗಿ ವ್ಯಕ್ತಿಯೊಬ್ಬರು ಕೇರಳ ವಕೀಲ ಪರಿಷತ್ತಿನಲ್ಲಿ ವಕೀಲರಾಗಿ ದಾಖಲಾಗಿದ್ದಾರೆ. ಆ ಮೂಲಕ ಪದ್ಮ ಲಕ್ಷ್ಮಿ ಅವರು ಕಪ್ಪು ನಿಲುವಂಗಿ ಧರಿಸುತ್ತಿರುವ ರಾಜ್ಯದ ಮೊದಲ ತೃತೀಯಲಿಂಗಿ ವ್ಯಕ್ತಿ ಎನಿಸಿಕೊಂಡಿದ್ದಾರೆ.

ಮಾರ್ಚ್ 19 ರ ಭಾನುವಾರದಂದು ಕೇರಳ ವಕೀಲರ ಪರಿಷತ್ತು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ವಕೀಲವರ್ಗದ ದಾಖಲಾತಿ ಪ್ರಮಾಣಪತ್ರ ಪಡೆದ 1,500 ಕಾನೂನು ಪದವೀಧರರಲ್ಲಿ ಲಕ್ಷ್ಮಿ ಕೂಡ ಒಬ್ಬರು.

ಲಕ್ಷ್ಮಿ ಅವರ ಸಾಧನೆ ರಾಜ್ಯದ ಕಾನೂನು ಸಚಿವ ಪಿ ರಾಜೀವ್ ಅವರ ಗಮನವನ್ನು ಸೆಳೆದಿದೆ, ಅವರು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಅವರನ್ನು ಅಭಿನಂದಿಸಿದ್ದಾರೆ.

ಪದ್ಮ ಲಕ್ಷ್ಮಿ ಅವರಂತಹ ಮಂದಿಗೆ ಇರುವ ಅಡೆತಡೆಗಳನ್ನು ಒಪ್ಪಿಕೊಂಡಿರುವ ರಾಜೀವ್‌ ಅವರು, ಆಕೆಯ ತರಹದವರು ಎದುರಿಸಬೇಕಾದ ಕಷ್ಟದ ಬಗ್ಗೆ ಗಮನಸೆಳೆಯುತ್ತಾ ತಮ್ಮ ಬಗ್ಗೆ ಕರುಣೆ ತೋರದ ಅಥವಾ ತಮ್ಮಂತಹವರನ್ನು ಹೆಚ್ಚು ಪ್ರೋತ್ಸಾಹಿಸದ ಸಮಾಜದಲ್ಲಿ ಒಂದು ಸ್ಥಾನ ಕಂಡುಕೊಳ್ಳಲು ಅವರು ಶ್ರಮಿಸಿರುವ ಹಾದಿ ಸುಲಭಸಾಧ್ಯವಾದುದಲ್ಲ ಎಂದಿದ್ದಾರೆ. ಪದ್ಮ ಲಕ್ಷ್ಮಿ ಎರ್ನಾಕುಲಂ ಸರ್ಕಾರಿ ಕಾನೂನು ಕಾಲೇಜಿನಿಂದ ಪದವಿ ಪಡೆದಿದ್ದಾರೆ.