ಬರುವ ವರ್ಷದ ಸಿಎಲ್ಎಟಿ ಪರೀಕ್ಷೆ ಮೇ 8, 2022ಕ್ಕೆ ನಿಗದಿ; 2023ನೇ ಸಾಲಿನ ಪರೀಕ್ಷಾ ದಿನಾಂಕವೂ ಘೋಷಣೆ

ಕೌನ್ಸೆಲಿಂಗ್ ಶುಲ್ಕವನ್ನು ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ ₹ 50,000ದಿಂದ ₹ 30,000ಕ್ಕೆ ಮತ್ತು ಮೀಸಲಾತಿ ವರ್ಗದ ಅಭ್ಯರ್ಥಿಗಳಿಗೆ ₹ 20,000ಕ್ಕೆ ಇಳಿಸಲು ಒಕ್ಕೂಟ ನಿರ್ಧರಿಸಿದೆ.
ಬರುವ ವರ್ಷದ ಸಿಎಲ್ಎಟಿ ಪರೀಕ್ಷೆ ಮೇ 8, 2022ಕ್ಕೆ ನಿಗದಿ; 2023ನೇ ಸಾಲಿನ ಪರೀಕ್ಷಾ ದಿನಾಂಕವೂ ಘೋಷಣೆ

ಮುಂದಿನ ವರ್ಷದ ಸಾಮಾನ್ಯ ಕಾನೂನು ಪ್ರವೇಶ ಪರೀಕ್ಷೆ (ಸಿಎಲ್‌ಎಟಿ) 2022ರ ಮೇ 8ರಂದು ನಡೆಯಲಿದೆ ಎಂದು ರಾಷ್ಟ್ರೀಯ ಕಾನೂನು ವಿಶ್ವವಿದ್ಯಾಲಯಗಳ ಒಕ್ಕೂಟ (ಎನ್‌ಎಲ್‌ಯು) ತಿಳಿಸಿದೆ. ಸಿಎಲ್‌ಎಟಿ- 2023ರ ದಿನಾಂಕವನ್ನು ಕೂಡ ಇದೇ ವೇಳೆ ಘೋಷಿಸಲಾಗಿದ್ದು ಈ ಪರೀಕ್ಷೆ ಡಿಸೆಂಬರ್ 18, 2022ರಂದು ನಡೆಯಲಿದೆ.

ಹೈದರಾಬಾದ್‌ನ ರಾಷ್ಟ್ರೀಯ ಕಾನೂನು ಅಧ್ಯಯನ ಮತ್ತು ಸಂಶೋಧನಾ ಸಂಸ್ಥೆ (ಎನ್‌ಎಎಲ್‌ಎಸ್‌ಎಆರ್) ವಿಶ್ವವಿದ್ಯಾಲಯದಲ್ಲಿ ಪ್ರೊ. ಫೈಜಾನ್ ಮುಸ್ತಫಾ ಅವರ ಅಧ್ಯಕ್ಷತೆಯಲ್ಲಿ ಭಾನುವಾರ ನಡೆದ ಒಕ್ಕೂಟದ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಕೌನ್ಸೆಲಿಂಗ್ ಶುಲ್ಕವನ್ನು ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ ₹ 50,000ದಿಂದ ₹ 30,000ಕ್ಕೆ ಇಳಿಕೆ ಮಾಡಲಾಗಿದೆ. ಮೀಸಲಾತಿ ವರ್ಗದ ಅಭ್ಯರ್ಥಿಗಳಿಗೆ ₹ 20,000ಕ್ಕೆ ಶುಲ್ಕ ಇಳಿಸಲು ಒಕ್ಕೂಟ ನಿರ್ಧರಿಸಿದೆ.

Also Read
[ಸಿಎಲ್‌ಎಟಿ ಕೌನ್ಸೆಲಿಂಗ್‌ ಶುಲ್ಕ ಪ್ರಕರಣ] ಶುಲ್ಕ ಕಟ್ಟದೆ ಭಾಗವಹಿಸಲು ಅಭ್ಯರ್ಥಿಗಳಿಗೆ ಅನುಮತಿ; ಅರ್ಜಿ ವಿಲೇವಾರಿ

ಸಭೆಯಲ್ಲಿ, ಜೋಧ್‌ಪುರದ ರಾಷ್ಟ್ರೀಯ ಕಾನೂನು ವಿಶ್ವವಿದ್ಯಾಲಯದ ಉಪಕುಲಪತಿ ಪ್ರೊ (ಡಾ) ಪೂನಂ ಸಕ್ಸೇನಾ ಅವರನ್ನು ಎನ್‌ಎಲ್‌ಯುಗಳ ಒಕ್ಕೂಟದ ಮುಂದಿನ ಅಧ್ಯಕ್ಷರಾಗಿ ಆಯ್ಕೆ ಮಾಡಲಾಗಿದೆ.

ಕೋವಿಡ್‌ ಕಾರಣದಿಂದಾಗಿ 2021ನೇ ಸಾಲಿನ ಸಿಎಲ್‌ಎಟಿ ಪರೀಕ್ಷೆಯನ್ನು ಹಲವುಬಾರಿ ಮುಂದೂಡಲಾಗಿತ್ತು. ಮೊದಲು ಈ ವರ್ಷದ ಮೇ 9ರಂದು ಪರೀಕ್ಷೆ ನಡೆಯಬೇಕಿತ್ತು. ಆದರೆ ಸಿಬಿಎಸ್‌ಇ ಪರೀಕ್ಷೆ ಮೇ 4ರಿಂದ ಆರಂಭವಾದ ಹಿನ್ನೆಲೆಯಲ್ಲಿ ಜೂನ್ 13ಕ್ಕೆ ಪರೀಕ್ಷೆ ಮರುನಿಗದಿಪಡಿಸಲಾಗಿತ್ತು. ಆದರೆ ಕೋವಿಡ್‌ ಎರಡನೇ ಅಲೆ ಹಿನ್ನೆಲೆಯಲ್ಲಿ ಮತ್ತೊಮ್ಮೆ ಪರೀಕ್ಷೆಯನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲಾಗಿತ್ತು.

Related Stories

No stories found.