ಹೊಸ ಪ್ರಕರಣ, ಆಕ್ಷೇಪಣಾ ಅರ್ಜಿ ಇತ್ಯಾದಿಗಳನ್ನು ಭೌತಿಕವಾಗಿ ಸಲ್ಲಿಸಲು ಕರ್ನಾಟಕ ಹೈಕೋರ್ಟ್ ಭೇಟಿಯ ಅವಕಾಶ ಕೋರಿ ವೇಳೆ ನಿಗದಿಪಡಿಸಿಕೊಳ್ಳಲು ಅನುವಾಗುವಂತೆ ಟೈಂಸ್ಲಾಟ್ ಬುಕಿಂಗ್ ಮಾಡುವ ಅಪ್ಲಿಕೇಷನ್ (ಆಪ್) ಸೌಲಭ್ಯ ಆರಂಭಿಸಿದೆ.
ನ್ಯಾಯಾಲಯದ ಶುಲ್ಕ ಪಾವತಿಸಲು ಮತ್ತು ಪ್ರತಿಗಳಿಗಾಗಿ ಅರ್ಜಿ ಸಲ್ಲಿಸಲು ಸಹ ಈ ಆಪ್‌ನ ಬುಕಿಂಗ್ ಸೌಲಭ್ಯವನ್ನು ಬಳಸಬಹುದಾಗಿದೆ.
‘ಫಿಸಿಕಲ್ ಫೈಲಿಂಗ್ - ಆನ್ಲೈನ್ ಅಪಾಯಿಂಟ್ಮೆಂಟ್’ ಎಂಬುದು ಈ ನೂತನ ಆಪ್‌ನ ಹೆಸರು. ಇದರ ಲಿಂಕ್ ಇಲ್ಲಿದೆ.
ನ್ಯಾಯಾಂಗ ರೆಜಿಸ್ಟ್ರಾರ್ ಕೆ ಎಸ್ ಭರತ್ ಕುಮಾರ್ ಹೊರಡಿಸಿರುವ ಅಧಿಸೂಚನೆಯಲ್ಲಿ ಈ ನೂತನ ಸೌಲಭ್ಯ ಬೆಂಗಳೂರು ಹೈಕೋರ್ಟಿನ ಪ್ರಧಾನ ಪೀಠದಲ್ಲಿ ಲಭ್ಯವಾಗಲಿದೆ ಎಂದು ತಿಳಿಸಲಾಗಿದೆ.
ಈಗ, ಭೌತಿಕ ಫೈಲಿಂಗ್‌ಗಾಗಿ ವೇಳೆ ನಿಗದಿಪಡಿಸಿಕೊಳ್ಳಲು ಸುಲಭವಾದ ಸೌಲಭ್ಯ ಒದಗಿಸಲಾಗಿರುವುದರಿಂದ, ಇನ್ನು ಮುಂದೆ ಸಂದರ್ಶನಕ್ಕೆ ಸಮಯಾವಕಾಶ ಕೋರಿ hck-filing@hck.gov.in ಗೆ ಇಮೇಲ್ ಕಳುಹಿಸುವ ಅಗತ್ಯವಿಲ್ಲ. ನೂತನ ಸೌಲಭ್ಯದ ಉಪಯೋಗವನ್ನು ವಕೀಲರು ಮತ್ತು ದಾವೆದಾರರು ಬಳಸಿಕೊಳ್ಳಬಹುದು ಎಂದು ಅಧಿಸೂಚನೆಯಲ್ಲಿ ವಿವರಿಸಲಾಗಿದೆ.
ಕೋವಿಡ್-19 ಸಾಂಕ್ರಾಮಿಕ ರೋಗದಿಂದ ಉಂಟಾಗಿರುವ ಅಡೆತಡೆಗಳನ್ನು ನಿವಾರಿಸಲು ಹೈಕೋರ್ಟಿನ ತಾಂತ್ರಿಕ ತಂಡವೊಂದು ಈ ಆಪ್ ಅಭಿವೃದ್ಧಿಪಡಿಸಿದೆ ಎಂದು ಮೂಲಗಳು ‘ಬಾರ್ ಅಂಡ್ ಬೆಂಚ್’ಗೆ ತಿಳಿಸಿವೆ.
ಅಧಿಸೂಚನೆಯ ಪ್ರತಿ ಇಲ್ಲಿ ಲಭ್ಯ:
