ರಾಜ್ಯ ಸರ್ಕಾರದ ʼಒಂದು ಕುಟುಂಬ ಒಂದು ಸರ್ಕಾರಿ ಕೆಲಸʼ ಯೋಜನೆ ಎತ್ತಿ ಹಿಡಿದ ಸಿಕ್ಕಿಂ ಹೈಕೋರ್ಟ್

ಮಾಜಿ ಮುಖ್ಯಮಂತ್ರಿ ಪವನ್ ಚಾಮ್ಲಿಂಗ್ ಅವರು ಪ್ರಾರಂಭಿಸಿದ ಈ ಯೋಜನೆಯಡಿ 13,000ಕ್ಕೂ ಹೆಚ್ಚು ನಾಗರಿಕರು ಉದ್ಯೋಗ ಪಡೆದಿದ್ದಾರೆ ಎಂಬುದನ್ನು ಗಮನಿಸಿದ ವಿಭಾಗೀಯ ಪೀಠ.
ರಾಜ್ಯ ಸರ್ಕಾರದ ʼಒಂದು ಕುಟುಂಬ ಒಂದು ಸರ್ಕಾರಿ ಕೆಲಸʼ ಯೋಜನೆ ಎತ್ತಿ ಹಿಡಿದ ಸಿಕ್ಕಿಂ ಹೈಕೋರ್ಟ್
Sikkim High Court

ರಾಜ್ಯ ಸರ್ಕಾರದ ʼಒಂದು ಕುಟುಂಬ ಒಂದು ಸರ್ಕಾರಿ ಕೆಲಸʼ ಯೋಜನೆಯನ್ನು ಸಿಕ್ಕಿಂ ಹೈಕೋರ್ಟ್ ಇತ್ತೀಚೆಗೆ ಎತ್ತಿಹಿಡಿದಿದ್ದು ಯೋಜನೆಯ ಸತ್ಯಾಸತ್ಯತೆಗಳ ಬಗ್ಗೆ ಯಾವುದೇ ಸಂದೇಹವಿಲ್ಲ, ಇದು ನಾಗರಿಕರಿಗೆ ಉಪಯುಕ್ತ ಎಂದು ತಿಳಿಸಿತು. [ಹೆನ್ನಾ ಸುಬ್ಬಾ ಮತ್ತಿತರರು ಹಾಗೂ ಸಿಕ್ಕಿಂ ಸರ್ಕಾರ ನಡುವಣ ಪ್ರಕರಣ].

ಮಾಜಿ ಮುಖ್ಯಮಂತ್ರಿ ಪವನ್ ಚಾಮ್ಲಿಂಗ್ ಅವರು ಪ್ರಾರಂಭಿಸಿದ ಈ ಯೋಜನೆಯಡಿ 13,000ಕ್ಕೂ ಹೆಚ್ಚು ನಾಗರಿಕರು ಉದ್ಯೋಗ ಪಡೆದಿದ್ದಾರೆ ಎಂಬುದನ್ನು ಮುಖ್ಯ ನ್ಯಾಯಮೂರ್ತಿ ಬಿಸ್ವನಾಥ್ ಸೋಮದ್ದರ್ ಮತ್ತು ನ್ಯಾಯಮೂರ್ತಿ ಮೀನಾಕ್ಷಿ ಮದನ್ ರೈ ಅವರಿದ್ದ ವಿಭಾಗೀಯ ಪೀಠ ಗಮನಿಸಿತು.

Also Read
ನಕಲಿ ಜಾತಿ ಪ್ರಮಾಣ ಪತ್ರ ಪಡೆದು ಸರ್ಕಾರಿ ಉದ್ಯೋಗ: ಮಹಿಳೆ ವಿರುದ್ಧದ ಕ್ರಿಮಿನಲ್‌ ಪ್ರಕರಣ ರದ್ದುಪಡಿಸಿದ ಹೈಕೋರ್ಟ್‌

“ಸಿಕ್ಕಿಂ ರಾಜ್ಯದಲ್ಲಿ ನೆಲೆಸಿರುವ 13,000ಕ್ಕೂ ಹೆಚ್ಚು ನಾಗರಿಕರು ಈ ಪ್ರಕ್ರಿಯೆಯಲ್ಲಿ (ಯೋಜನೆಯಲ್ಲಿ) ಉದ್ಯೋಗ ಪಡೆದಿದ್ದಾರೆ. ಹಾಗಾಗಿ ಒಂದು ಕುಟುಂಬಕ್ಕೆ ಒಂದು ಉದ್ಯೋಗ ಒದಗಿಸುವ ಅದರ ಉದ್ದೇಶ ಮತ್ತು ಯೋಜನೆಯಡಿ ಕೈಗೊಂಡ ಕ್ರಮಗಳ ಪ್ರಾಮಾಣಿಕತೆಯನ್ನು ಅನುಮಾನಿಸಲಾಗದು” ಎಂದು ನ್ಯಾಯಾಲಯ ಹೇಳಿದೆ.

“ತಡವಾಗಿರುವ ಈ ಹಂತದಲ್ಲಿ ನೇಮಕಾತಿಯ ಸಂಪೂರ್ಣ ಪ್ರಕ್ರಿಯೆಯನ್ನು ಕೂಲಂಕಷವಾಗಿ ವಿಶ್ಲೇಷಿಸಲು ಸಾಧ್ಯವಿಲ್ಲ ಎಂದ ಪೀಠ ಅದರಲ್ಲಿಯೂ ವಿಶೇಷವಾಗಿ ಯೋಜನೆಯಡಿ ಉದ್ಯೋಗ ಪಡೆದ ಎಲ್ಲರನ್ನೂ ಪಕ್ಷಕಾರರನ್ನಾಗಿ ಮಾಡಬೇಕಾಗುತ್ತದೆ” ಎಂದು ತಿಳಿಸಿತು.

ಆದೇಶದ ಪ್ರತಿಯನ್ನು ಇಲ್ಲಿ ಓದಿ:

Attachment
PDF
Henna_Subba_vs_State_of_Sikkim.pdf
Preview

Related Stories

No stories found.
Kannada Bar & Bench
kannada.barandbench.com