ಆಂಡ್ರಾಯ್ಡ್ ಬಳಕೆದಾರರಿಗೆ ತನ್ನ ಮೊಬೈಲ್ ಅಪ್ಲಿಕೇಶನ್‌ನ ನವೀಕೃತ ಆವೃತ್ತಿಯನ್ನು ಸುಪ್ರೀಂ ಕೋರ್ಟ್ ಬುಧವಾರ ಬಿಡುಗಡೆ ಮಾಡಿದೆ.
ಸರ್ವೋಚ್ಚ ನ್ಯಾಯಾಲಯದ ಮುಖ್ಯ ನ್ಯಾಯಮೂರ್ತಿ (ಸಿಜೆಐ) ಡಿ ವೈ ಚಂದ್ರಚೂಡ್ ಅವರು ತೆರೆದ ನ್ಯಾಯಾಲಯದಲ್ಲಿ ಈ ವಿಚಾರ ಪ್ರಕಟಿಸಿದರು.
ನವೀಕರಿಸಿದ ಅಪ್ಲಿಕೇಶನ್‌ನಿಂದಾಗಿ ಕಾನೂನು ಅಧಿಕಾರಿಗಳು ತಾವು ಹಾಜರಾಗಬೇಕಿರುವ ಪ್ರಕರಣಗಳಿಗೆ ನೈಜ ಸಮಯದಲ್ಲಿ ಪ್ರವೇಶ ಪಡೆಯಲು ಅನುವು ಮಾಡಿಕೊಡುತ್ತದೆ ಎಂದು ಅವರು ಹೇಳಿದರು. ಜೊತೆಗೆ ಎಲ್ಲಾ ಸರ್ಕಾರಿ ಇಲಾಖೆಗಳು ತಮ್ಮ ಪ್ರಕರಣಗಳ ಬಾಕಿ ಕುರಿತಂತೆ ಪರಿಶೀಲಿಸಬಹುದು ಎಂದು ವಿವರಿಸಿದರು.
ಸಂಬಂಧಿತವಾಗಿ, ಎಲ್ಲಾ ಸರ್ಕಾರಿ ಇಲಾಖೆಗಳು ತಮ್ಮ ಪ್ರಕರಣಗಳ ಬಾಕಿಯನ್ನು ಪರಿಶೀಲಿಸಬಹುದು ಎಂದು ಅವರು ಹೇಳಿದರು.
"ಸುಪ್ರೀಂ ಕೋರ್ಟ್‌ನ ಮೊಬೈಲ್ ಅಪ್ಲಿಕೇಶನ್ 2.0 ಇದೀಗ ಆಂಡ್ರಾಯ್ಡ್ ಬಳಕೆದಾರರಿಗೆ ಸಿದ್ಧವಾಗಿದೆ. ಇನ್ನುಒಂದು ಗಂಟೆಯಲ್ಲಿ ಇದು ಲಭ್ಯ. ದಯವಿಟ್ಟು ಅದನ್ನು ಬಳಸಲು ಪ್ರಾರಂಭಿಸಿ. ಈ ಬಾರಿ ನಾವು ಹೊಸ ವೈಶಿಷ್ಟ್ಯಗಳನ್ನು ನೀಡಿದ್ದೇವೆ, ಎಲ್ಲಾ ಕಾನೂನು ಅಧಿಕಾರಿಗಳು ಖುದ್ದು ಪ್ರವೇಶ ಪಡೆಯಬಹುದು ಎಲ್ಲಾ ಸರ್ಕಾರಿ ಇಲಾಖೆಗಳು ಅವರ ಪ್ರಕರಣಗಳ ಬಾಕಿ ಪರಿಶೀಲಿಸಬಹುದು. ದಯವಿಟ್ಟು ಅದನ್ನು ಬಳಸಿ,” ಎಂದರು.
ಇನ್ನೊಂದು ವಾರದಲ್ಲಿ ಆಪಲ್/ಐಒಎಸ್ ಬಳಕೆದಾರರಿಗೂ ನವೀಕೃತ ಅಪ್ಲಿಕೇಷನ್‌ ಲಭ್ಯವಾಗಲಿದೆ ಎಂದು ಅವರು ತಿಳಿಸಿದ್ದಾರೆ.