ವಿದ್ಯಾವಂತಳು ಎಂಬ ಕಾರಣಕ್ಕೆ ಮಹಿಳೆಯನ್ನು ಕೆಲಸಕ್ಕೆ ಹೋಗುವಂತೆ ಒತ್ತಾಯಿಸುವಂತಿಲ್ಲ: ಬಾಂಬೆ ಹೈಕೋರ್ಟ್

"ಕೆಲಸ ಮಾಡುವುದು ಮಹಿಳೆಯ ಆಯ್ಕೆಯಾಗಿದೆ. ಪದವೀಧರಳು ಎಂಬ ಕಾರಣಕ್ಕೆ ಆಕೆ ಮನೆಯಲ್ಲಿ ಕುಳಿತುಕೊಳ್ಳಬಾರದು ಎಂದರ್ಥವಲ್ಲ" ಎಂದು ನ್ಯಾಯಮೂರ್ತಿ ಡಾಂಗ್ರೆ.
ವಿದ್ಯಾವಂತಳು ಎಂಬ ಕಾರಣಕ್ಕೆ ಮಹಿಳೆಯನ್ನು ಕೆಲಸಕ್ಕೆ ಹೋಗುವಂತೆ ಒತ್ತಾಯಿಸುವಂತಿಲ್ಲ: ಬಾಂಬೆ ಹೈಕೋರ್ಟ್
Justice Bharati Dangre and Bombay High Court

ಮಹಿಳೆಗೆ ಕೆಲಸ ಮಾಡುವ ಅರ್ಹತೆ ಮತ್ತು ವಿದ್ಯಾಭ್ಯಾಸ ಇದ್ದರೂ ಕೆಲಸ ಮಾಡುವ ಅಥವಾ ಮನೆಯಲ್ಲೇ ಉಳಿಯುವ ಆಯ್ಕೆ ಆಕೆಗೆ ಬಿಟ್ಟದ್ದು ಎಂದು ಬಾಂಬೆ ಹೈಕೋರ್ಟ್‌ ಶುಕ್ರವಾರ ಒತ್ತಿಹೇಳಿದೆ.

ಒಬ್ಬ ಮಹಿಳೆ ಪದವೀಧರಳು ಎಂಬ ಕಾರಣಕ್ಕೆ ಆಕೆ ಕೆಲಸ ಮಾಡಬೇಕು, ಮನೆಯಲ್ಲಿರಬಾರದು ಎನ್ನಲಾಗದು ಎಂದು ನ್ಯಾಯಮೂರ್ತಿ ಭಾರತಿ ಡಾಂಗ್ರೆ ಹೇಳಿದರು.

Also Read
ಪತ್ನಿಗೆ ಜೀವನಾಂಶ: ವಿಚ್ಛೇದಿತ ಸಹೋದರಿಗಾಗಿ ವ್ಯಕ್ತಿ ಮಾಡುತ್ತಿರುವ ಖರ್ಚನ್ನೂ ಗಮನಿಸಬೇಕು ಎಂದ ದೆಹಲಿ ಹೈಕೋರ್ಟ್

ʼಗೃಹಿಣಿ (ಆರ್ಥಿಕತೆಗೆ) ಕೊಡುಗೆ ನೀಡಬೇಕು ಎಂಬುದನ್ನು ನಮ್ಮ ಸಮಾಜ ಇನ್ನೂ ಒಪ್ಪಿಲ್ಲ. ಕೆಲಸ ಮಾಡುವುದು ಮಹಿಳೆಯ ಆಯ್ಕೆಯಾಗಿದ್ದು ಆಕೆ (ಕಕ್ಷೀದಾರೆ) ಪದವೀಧರಳು ಎಂಬ ಕಾರಣಕ್ಕೆ ಆಕೆ ಮನೆಯಲ್ಲಿ ಕುಳಿತುಕೊಳ್ಳಬಾರದು ಎಂದರ್ಥವಲ್ಲ” ಎಂದು ನ್ಯಾಯಾಲಯ ಹೇಳಿತು.

“ಇವತ್ತು ನಾನ ನ್ಯಾಯಮೂರ್ತಿ. ನಾಳೆ ನಾನು ಮನೆಯಲ್ಲೇ ಉಳಿಯಬಹುದು. ನಾನು ನ್ಯಾಯಮೂರ್ತಿಯಾಗಲು ಅರ್ಹತೆ ಹೊಂದಿದ್ದು ಹಾಗಾಗಿ ಮನೆಯಲ್ಲಿ ಕೂರುವಂತಿಲ್ಲ ಎಂದು ನೀವು ಹೇಳಲು ಸಾಧ್ಯವೇ?” ಎಂದು ಪ್ರತಿವಾದಿಗಳನ್ನು ನ್ಯಾಯಾಲಯ ಪ್ರಶ್ನಿಸಿತು.

ಸ್ಥಿರ ಆದಾಯ ಗಳಿಸುತ್ತಿರುವ ಪತ್ನಿಗೆ ಜೀವನಾಂಶ ನೀಡುವಂತೆ ಪುಣೆಯ ಕೌಟುಂಬಿಕ ನ್ಯಾಯಾಲಯ ನೀಡಿದ್ದ ಆದೇಶ ಪ್ರಶ್ನಿಸಿ ಪತಿ ಸಲ್ಲಿಸಿದ್ದ ಪರಿಶೀಲನಾ ಅರ್ಜಿಯ ವಿಚಾರಣೆ ನ್ಯಾಯಾಲಯದಲ್ಲಿ ನಡೆಯಿತು. ಪತ್ನಿಯು ವೇತನದಾರಳಾಗಿದ್ದು ತನಗೆ ಯಾವುದೇ ಆದಾಯ ಮೂಲವಿಲ್ಲ ಎಂದು ತೋರಿಸಿದ್ದಾಳೆ ಎನ್ನುವುದು ಪತಿಯ ಆಕ್ಷೇಪವಾಗಿದೆ. ಪ್ರಕರಣದ ವಿಚಾರಣೆ ಮುಂದಿನ ವಾರಕ್ಕೆ ಮುಂದೂಡಲಾಗಿದೆ.

Related Stories

No stories found.
Kannada Bar & Bench
kannada.barandbench.com