ಮುಂದಿನ 4-6 ವಾರಗಳವರೆಗೆ ಸುಪ್ರೀಂಕೋರ್ಟ್‌ನಲ್ಲಿ ಭೌತಿಕ ವಿಚಾರಣೆ ಸಾಧ್ಯವಿಲ್ಲ: ಸಿಜೆಐ ಸುಳಿವು

ಕೋವಿಡ್-19 ಪ್ರಕರಣಗಳು ಹೆಚ್ಚಿದರೆ ಕೈಗೊಳ್ಳಬೇಕಾದ ಮುಂದಿನ ಕ್ರಮ ಕುರಿತು ಸುಪ್ರೀಂಕೋರ್ಟ್‌ನ ಐವರು ಅತಿ ಹಿರಿಯ ನ್ಯಾಯಮೂರ್ತಿಗಳು ಇಂದು ಬೆಳಗ್ಗೆ ಚರ್ಚಿಸಿದ್ದಾರೆ.
ಮುಂದಿನ 4-6 ವಾರಗಳವರೆಗೆ ಸುಪ್ರೀಂಕೋರ್ಟ್‌ನಲ್ಲಿ ಭೌತಿಕ ವಿಚಾರಣೆ ಸಾಧ್ಯವಿಲ್ಲ: ಸಿಜೆಐ ಸುಳಿವು

Virtual Hearing

ಕೋವಿಡ್ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸುಪ್ರೀಂ ಕೋರ್ಟ್ ಮುಂದಿನ ನಾಲ್ಕರಿಂದ ಆರು ವಾರಗಳವರೆಗೆ ಭೌತಿಕ ವಿಧಾನದ ಮೂಲಕ ಪ್ರಕರಣಗಳನ್ನು ಆಲಿಸದಿರುವ ಸಾಧ್ಯತೆಯ ಬಗ್ಗೆ ಸುಪ್ರೀಂಕೋರ್ಟ್‌ ಮುಖ್ಯ ನ್ಯಾಯಮೂರ್ತಿ ಎನ್‌ ವಿ ರಮಣ ಗುರುವಾರ ಸುಳಿವು ನೀಡಿದ್ದಾರೆ.

Also Read
[ಕೋವಿಡ್‌ 3ನೇ ಅಲೆ] ವರ್ಚುವಲ್ ಕಲಾಪದತ್ತ ದೇಶದ ಬಹುತೇಕ ನ್ಯಾಯಾಲಯಗಳು; ಸೋಂಕಿನ ಭೀತಿಯಲ್ಲಿ ನ್ಯಾಯಾಂಗ ಅಧಿಕಾರಿಗಳು

ಅಖಿಲ ಭಾರತ ನ್ಯಾಯಾಧೀಶರ ಸಂಘದ ಪ್ರಕರಣದ ವಿಚಾರಣೆಯ ಸಂದರ್ಭದಲ್ಲಿ ಇದನ್ನು ತಿಳಿಸಲಾಯಿತು. ಈ ಮಧ್ಯೆ, ನ್ಯಾಯಾಲಯ ಮುಂದಿನ ವಾರ ತುರ್ತು ಪ್ರಕರಣಗಳನ್ನು ಮಾತ್ರ ಕೈಗೆತ್ತಿಕೊಳ್ಳಲಿದೆ ಎಂದು ನ್ಯಾ. ಎಲ್ ನಾಗೇಶ್ವರ ರಾವ್ ನೇತೃತ್ವದ ಮತ್ತೊಂದು ಪೀಠ ಹೇಳಿದೆ.

Also Read
ಕೋವಿಡ್‌ 3ನೇ ಅಲೆ: ಹೈಕೋರ್ಟ್‌ನಿಂದ ಪರಿಷ್ಕೃತ ಎಸ್‌ಒಪಿ ಪ್ರಕಟ; ಜ.14ರ ವರೆಗೆ ಪ್ರಧಾನ ಪೀಠದಲ್ಲಿ ವರ್ಚುವಲ್‌ ವಿಚಾರಣೆ

ಕೋವಿಡ್-19 ಪ್ರಕರಣಗಳು ಹೆಚ್ಚಿದರೆ ಕೈಗೊಳ್ಳಬೇಕಾದ ಮುಂದಿನ ಕ್ರಮ ಕುರಿತು ಚರ್ಚಿಸುತ್ತಿದ್ದ ಹಿನ್ನೆಲೆಯಲ್ಲಿ ಸುಪ್ರೀಂಕೋರ್ಟ್‌ನ ಐವರು ಅತಿ ಹಿರಿಯ ನ್ಯಾಯಮೂರ್ತಿಗಳು ಇಂದು ಬೆಳಗ್ಗೆ ಅರ್ಧ ಗಂಟೆ ತಡವಾಗಿ 11 ಗಂಟೆಗೆ ವಿಚಾರಣೆ ಆರಂಭಿಸಿದರು.

Also Read
[ಕೋವಿಡ್‌] ಉತ್ತರ ಪ್ರದೇಶ ವಿಧಾನಸಭೆ ಚುನಾವಣೆ ಮುಂದೂಡಲು ಪ್ರಧಾನಿ ಮೋದಿ, ಆಯೋಗಕ್ಕೆ ಅಲಾಹಾಬಾದ್‌ ಹೈಕೋರ್ಟ್‌ ಮನವಿ

ಜನವರಿ 3, 2022 ರಿಂದ ಮುಂದಿನ ಎರಡು ವಾರಗಳವರೆಗೆ ವರ್ಚುವಲ್‌ ವಿಧಾನದಲ್ಲಿ ಪ್ರಕರಣ ಆಲಿಸುವುದಾಗಿ ಕಳೆದ ಭಾನುವಾರ ಹೊರಡಿಸಿದ್ದ ಸುತ್ತೋಲೆಯಲ್ಲಿ ಸುಪ್ರೀಂಕೋರ್ಟ್‌ ತಿಳಿಸಿತ್ತು. ಕೋವಿಡ್‌ ಹೆಚ್ಚಳ ಮತ್ತು ಒಮಿಕ್ರಾನ್‌ ವೈರಸ್‌ ಕಾರಣಕ್ಕಾಗಿ ದೇಶದ ಬಹುತೇಕ ನ್ಯಾಯಾಲಯಗಳು ವರ್ಚುವಲ್ ಅಥವಾ ಹೈಬ್ರಿಡ್ ವಿಧಾನದಲ್ಲಿ ವಿಚಾರಣೆ ನಡೆಸುತ್ತಿವೆ.

Related Stories

No stories found.
Kannada Bar & Bench
kannada.barandbench.com